Sigurrós og Karítas

Fleiri myndir

2009-10-14T08:27:00.000-07:00

Karítas

2009-10-14T07:42:00.000-07:00

Þann 24.september eignaðist Sigurrós litla systur. Hún heitir Karítas.

Velheppnuð veiðiferð

2009-06-29T05:00:00.000-07:00

Við Sigurrós og Haraldur ákváðum að veiða í matinn í gær. Oft hefur þetta nú verið sagt og misjafnt hvort það rætist en í gær veiddist okkur vel. Haraldur veiddi þrjá, Þóra tvo og Sigurrós veiddi sinn fyrsta stóra fisk! Hann bragðaðist nú aldeilis vel þegar afi Siggi var búin að steikja hann á pönnunni.

Eftir langa pásu

2009-05-13T14:29:00.000-07:00

. . .Hvað hefur gerst síðan síðast? Við búum hér fjölskyldan á Hellum í Borgarfirði ásamt afa Sigga og Haraldi frænda. Sigurrós er í skóla á Hvanneyri og líkar vel. Hún er afar dugleg smalastúlka og hefur tekið virkan þátt í sauðburðinum. Örvar er natin í gróðurhúsunum og allt að byrja að lifna og dafna í sveitinni. Við vorum að koma af píanótónleikum þar sem Sigurrós spilaði Upp, upp, upp á fjall og stóð sig með stakri prýði. Hér er mynd af Sigurrós að spila á píanóið, með kanínu frá því við vorum í heimsókn á Akureyri hjá þeim Andreu og Amöndu, með lambið sitt hana Rósalind sem er kölluð Móra og hjá fiskunum sem Linda María vinkona gaf henni.
Góðar kveðjur til vina, nær og fjær.

Soldið tannlaus og fín

2008-09-10T05:22:00.000-07:00

Í Skorradal

2008-09-03T04:56:00.000-07:00

Við erum búnar að fara í nokkrar haustferðir inn í Skorradal upp á síðkastið. Fyrst til að tína sveppi (fundum enga) og vaða í vatninu, svo til að tína ber (fundum rosa mikið!). Hér eru nokkrar myndir af okkur mæðgunum.

Afmælisdagur Þóru og uppskeruhátíð

2008-08-31T14:36:00.001-07:00

Ég hélt upp á þrítugsafmælið mitt á laugardagskvöldið. Þemað var: heimaræktað, heimagert, tínt, veitt og tekið upp. Hér læt ég fylgja með eina mynd af forréttinum. Takk fyrir dásamlega kvöldstund kæra fjölskylda og vinir!

Fyrsti skóladagurinn!

2008-08-22T02:32:00.001-07:00

Í gær var skólasetning í Andakílsskóla og í dag er fyrsti skóladagurinn! Sigurrós er í 10 barna bekk og kennarinn hennar heitir Árdís. Mikið voru mamma og Sigurrós spenntar í morgun þegar þær lögðu af stað (allt of snemma) í skólann. Hér eru myndir af Sigurrós með nýju skólatöskuna sína.

Ein í flugvél

2008-08-22T02:19:00.001-07:00

Síðustu helgi fór Sigurrós til Reyðarfjarðar að hitta ömmu Helgu, afa Kalla, Eydísi og Jóhönnu. Hún fór ein í flugvél frá Reykjavík til Egilstaða en í fylgd með flugfreyju. Rebekka og Lára fylgdu henni á flugvöllinn. Ferðin gekk vel og sú stutta brallaði ýmislegt skemmtilegt með ömmu og Jóhönnu frænku.

Vínberjauppskeran namminamm

2008-08-09T04:53:00.000-07:00

Nú er hægt að næla sér í eitt og eitt og eitt þroskað vínber og fer ferðunum niður í gróðurhús fjölgandi með degi hverjum. Svei mér þá ef klasarnir eru ekki bara hundrað. Hér eru Sigurrós og mamma um það bil að gæða sér á einum.

Sigurrós og afi Siggi að elta hrossagauk....ekki spyrja mig?

2008-08-09T04:46:00.001-07:00

Sigurrós, Rebekka og Lára í sólskininu á Hellum

2008-08-08T03:24:00.001-07:00

Það er búið að vera sérstaklega gott veður í Borgafirðinum í sumar. Meira að segja amma segist ekki muna eftir svona hlýjum júlímánuði. Sigurrós, Rebekka og Lára hafa ekki verið í vandræðum með að finna sér eitthvað að dunda við og hér fundu þær not fyrir kassann utan af nýju uppþvottavélinni (sem er eins og hugur manns að mati Hjördísar) og Kristján hjálpaði þeim að skera út hurð og glugga á "húsið". Svo er nú ekki amalegt að geta farið með nesti í körfu úr í garð og borða hádegismatinn undir beru lofti, maturinn bragðast miklu betur. Það er meira hvað sólskinið getur gert alla fulla af eftirvæntingu.

Góðar vinkonur í heimsókn frá Noregi. Hjördís Ylfa, Guðrún Sjöfn og Kristín

2008-08-07T07:26:00.000-07:00

Þessar fínu stelpur voru heima hjá ömmu og afa á Hvanneyri í júní og júlí. Mikið var nú gott að hafa þær svona nálægt!

Veisla í Vagnbrekku

2008-08-06T15:31:00.001-07:00

Laugardaginn 5.júlí vorum við boðin í útskriftar og afmælisveislu í Vagnbrekku í Mývatnssveit til Bjarna vinar okkar. Sigurrós lék sér við systur hans og vinkonur í alvöru búi í holtinu nálægt bænum á meðan fullorðna fólkið skrafaði og hló. Hér eru myndir af gamla og nýja húsinu, fjárhúsunum með fjallið Vindbelg í baksýn, Örvari og Sólveigu afasystur, vinunum Bjarna og Stefáni Pétri og fínum stúlkum.

Ljúfir dagar í Mývatnssveit

2008-08-06T12:44:00.000-07:00

Við héldum til í Sollukoti hjá Sólveigu, Jónasi og Pétri (litla) í Skútahrauninu langt fram í næstu viku og gerðum ýmislegt okkur til skemmtunar og yndisauka. Þar á meðal eyddum við góðum stundum á pallinum við að þæfa sjöl og njóta veðurblíðunnar.

"Hugrökk teygist á háum legg, hvönnin fram yfir gljúfravegg..."

2008-08-06T11:46:00.000-07:00

Þetta ljóð var nú ekki samið um þennan stað, kannski er einhver sem þekkir það? Engu að síður voru hvönnin og blágresið alveg dæmalaust falleg í Stórugjá, já og pínulitlu burknarnir sem gægðust út úr klettarifunum. Góð gönguferð hjá Sólveigu frænku, Sigurrós og mömmu.

Gengið á Hverfjall

2008-08-06T09:31:00.001-07:00

Reyðarfjörður-Akureyri-Hvammstangi

2008-08-06T08:56:00.001-07:00

Við fórum til ömmu Helgu, afa Kalla og Eydísar á Reyðarfirði í kvöldmat áður en við héldum heim á leið frá Mývatnssveit daginn eftir. Sigurrós fór smá salíbunu með afa sínum á fjórhjólinu. Hrafnhildur og stelpurnar tóku svo á móti okkur með vöfflum, súkkulaði og rjóma á Akureyri um kaffileytið á fimmtudeginum. Sigurrós fékk þar að halda á þessari litlu mús sem Alexandra á og ponsulitlum kanínuungum. Addi og Ásta Hlín buðu okkur svo í grill og góðmeti á Stóru-borgum (vona að bæjarnafnið sé rétt munað hjá mér) fyrir utan Hvammstanga áður en við keyrðum síðasta sprettinn heim í Borgarfjörðinn eftir aldeilis vel heppnað og veðurgott ferðalag.

Undirbúningur fyrir sumarhátíð síðustu helgina í júní

2008-08-04T15:38:00.000-07:00

Sumar

2008-06-25T03:09:00.000-07:00

Ég hef ekki verið mjög dugleg að setja inn á síðuna upp á síðkastið en við höfum verið í góðu yfirlæti hér á Hellum. Sigurrós hefur haft það hlutverk að reka eina óþekka rollu inn í fjárhús kvölds og morgna svo lambið hennar fái að súpa. Flest féð er annars farið á fjall. Það er nóg að gera hér í sveitinni eins og búast mátti við, Örvar vasast niður í gróðurhúsum á milli þess sem hann stússast í ýmis konar pappírsvinnu og reddingum fyrir afa Sigga. Ég er búin að ljúka ritgerðunum frá Háskólanum í Utrecht, skrifa og verja ma-ritgerðina og er þá efnislega búin með mitt ma-nám þó ég útskrifist ekki fyrr en í október. Ég hélt upp á vörnina með því að skála í garðstofunni með ömmu Ernu og afa Pétri auk þess sem Hrafnhildur systir Örvars boðaði til veislu 14.júní á Akureyri þar sem haldið var upp á ýmsa áfanga. Hún kláraði sitt ma-nám í hjúkrun frá Háskólanum á Akureyri og Arnar bróður Örvars kláraði ba-námið sitt frá Landbúnaðarháskólanum á Hvanneyri. Við Örvar héldum upp á 10 ára stúdentsafmæli frá Menntaskólanum á Akureyri 16.júní við ærinn tilfögnuð og héldum til í íbúð foreldra hans meðan á dvöl okkar á Akureyri stóð. Sigurrós var hins vegar í sumarfríi hjá ömmu Ninnu og hélt upp á þjóðhátíðardaginn með frænkum sínum þeim Rebekku Rut og Rannveigu Láru. Nú er svo hafinn undirbúningur fyrir hina árlegu sumarhátíð á Hellum. Ég læt hér fylgja eina mynd af frænkum að ganga heim í góða veðrinu úr sundlauginni í Brún. Bestu kveðjur til allra
Þóra

Hún á afmæli í dag!!

2008-05-23T06:11:00.001-07:00

Það er gaman að eiga afmæli! Sigurrós er 6 ára í dag. Hún fékk þetta hjól í afmælisgjöf frá mömmu og pabba, afa Sigga og ömmu Ernu og afa Pétri. Amma Ninna gaf henni svo þennan fína afmæliskjól. Það verður afmæliskaffi á eftir og pylsupartý í hádeginu á morgun. Allir velkomnir! (Ég bætti við nokkrum myndum úr afmælinu af fínum stelpum og Haraldi sem útskrifaðist sama dag).

Sigurrós og sauðburður

2008-05-13T18:14:00.000-07:00

Nú er sauðburðurinn bara að verða búin. Sigurrós hefur verið svo dugleg, hún er úti allan daginn að vinna með pabba sínum og afa Sigga og afa Pétri og ömmu Ernu. Svo hafa margir komið í heimsókn í sveitina til að kíkja á litlu lömbin, stórir og smáir, frændur og frænkur. Í dag var alveg yndislegt veður og þá ákvað mamma að kíkja aðeins út fyrir dyr með Sigurrós. Við spörkuðum í fótbolta (við mæðgur erum að æfa okkur fyrir sumarhátíðina) klöppuðum lömbum og gáfum Gullu (kind) fóðurköggla. Settum niður salat með pabba, sóluðum okkur á pallinum hjá ömmu Ernu og bökuðum eina dýrindis súkkulaðiköku. Ég (Þóra) tók þessar myndir af Sigurrós og lömbum í veðurblíðunni.

...pabbi og Sigurrós í gróðurhúsunum og mamma í sínu græna..

2008-04-30T16:48:00.000-07:00

Heima er best/ home sweet home

2008-04-30T16:37:00.000-07:00

Blíðviðris-afmælisdagur

2008-04-21T11:53:00.000-07:00

Jæja þá erum við búin að; kveðja, selja hjólið, pakka niður dótinu okkar, þrífa litla leka húsið og njóta þess að vera úti í sólinni á þessum blíðviðris-afmælisdegi hans pabba. Við fórum í bátsferð eftir síkjunum og sáum ýmislegt áhugavert, eins og til dæmis gamlar lágar brýr, hengirúm, gondóla, árabáta og alls konar báta (hér eru margir bátar og mörg hjól, en fáir bílar...yndislegt) Sigurrós fékk ís og eina enn Andrésar andar-bók á hollensku. Það var nú aldeilis"lekker".
Kærar kveðjur/Tot Ziens/Kind Regards - Fjölskylda á flakki:)

Heimsókn til Simonar og fjölskyldu

2008-04-19T02:33:00.000-07:00

Tilbúin fyrir síðasta daginn í leikskólanum

2008-04-18T11:22:00.000-07:00

Sigurrós fór síðasta daginn sinn í leikskólann sinn hér í Utrecht í gær. Það var smá kveðjuathöfn þar sem mamma og pabbi fengu að koma og fylgjast með. Krakkarnir sungu lög fyrir Sigurrós á hollensku, ensku og íslensku. Sigurrós var nefnilega búin að kenna þeim: Sá ég spóa, suður í flóa, syngur lóa út í móa, bíbíbíbí, vorið er komið víst á ný. Þau sungu lagið bara mjög vel með sínum hollenska hreimi. Sigurrós gaf öllum krökkunum lítinn bóndabæ með dýrum til að minna þau á sig og að hún ætti heima í sveitinni þar sem væru lömb og hænur. Sigurrós fékk mjög fallega bók frá þeim, þar sem hver og einn hafði teiknað mynd með heillaósk til hennar: Ég óska þér góðrar ferðar heim og ég óska þér gull kórónu og ég óska þér fullt af nammi og ég óska þér að þú verðir rík og ég óska þess að þú eignist gullkött og ég óska þér að þú verðir prinsessa og ég óska þess að þú verðir ekki flugveik á leiðinni heim... Yndislegir krakkar! Kennarinn hennar Sigurrósar gaf henni mjög fallegan bleikan stein. Það var soldið erfitt að kveðja (það venst víst ekki) enda Sigurrós búin að kynnast mörgum góðum vinum hér. Sérstaklega Moise og Jave og Simon. Foreldrar hans Simon buðu Sigurrós og mömmu og pabba í heimsókn og kvöldmat. Við fengum hollenskar pönnukökur með sírópi og sykri af ýmsum gerðum, ávaxtasalat og ís í eftirrétt og fullorðna fólkið fékk svo kaffi og súkkulaði á eftir. Þetta er í fyrsta skipti sem við höfum fengið pönnukökur með sykri í kvöldmat! Simon gaf Sigurrós fullt af strumpum og mjúkan hvítan stein og sandpappír (ef hún notar sandpappírinn á steininn þá kemur töfraryk) í kveðjugjöf. Þá var bara eftir að segja bless við kæra Simon og kyssa hann oft og knúsa:)

Asnaleg saga

2008-04-14T13:30:00.000-07:00

Í gærkvöldi fékk Sigurrós að velja hvort það væri lesið fyrir hana eða hvort hún vildi horfa á bíómyndina 'Charlie and the Chocolate Factory'. Sigurrós vildi gera bæði, en foreldrar hennar stóðu fastir á því að hún yrði að velja á milli. Það var ekki svo auðvelt og Sigurrós var í mikilli krísu við að velja hvort hún vildi. Tíminn leið og foreldrar hennar sögðu henni að ef hún myndi ekki velja fyrr en síðar þá gæti hún gert hvorugt. Þetta jók bara á valkvíðann svo móðir hennar ákvað að segja henni klassíska dæmisögu til að vita hvort það myndi auðvelda valið. "Einu sinni var bóndi sem átti asna. Á hverjum degi gaf hann asnanum eitt hneppi af heyi. Eitt sinn þurfti bóndinn að fara í burtu í tvo daga til að ná í vistir til næsta bæjar. Hann setti því tvö hneppi af heyi fyrir framan asnann svo hann hefði nóg að éta á meðan hann yrði í burtu. Asninn horfði á hneppin tvö til skiptis og skildi hvorki upp né niður í neinu. Hann gat ekki ákveðið hvort hneppið hann átti að éta fyrst. Þegar bóndinn kom til baka hafði asninn ekki snert á heyinu svo hann kallaði á dýralækninn. Dýralæknirinn sá ekki að neitt væri að asnanum. Dagarnir liðu og enn voru hneppin tvö ósnert fyrir framan asnann. Á endanum dó asninn úr hungri." Þetta fannst nú Sigurrós frekar heimskuleg saga. Jæja hvort ætlarðu nú að horfa á vídeóspóluna eða hlusta á sögu? spurði móðirin þá. Ég veit það ekki svaraði sú stutta. En hvað ef þú værir asninn og hefðir annars vegar vídeóspólu fyrir framan þig og hins vegar bók? " Ég myndi éta bókina og horfa á spóluna!" Foreldrarnir tóku þar með ákvörðunina. Ok þú horfir á vídeó.

Hjólað í Íslendingaskólanum

2008-04-14T03:33:00.001-07:00

Sigurrós fór í heimsókn til Moise og Jaife vina sinna á föstudaginn. Mamma þeirra gerði sér lítið fyrir og kenndi Sigurrós að hjóla á meðan á heimsókninni stóð! Í gær fórum við svo í Íslendingaskólann þar sem er hægt að fá lánuð hjól og þar hjólaði Sigurrós út um allt eins og hún hefði aldrei gert annað:) Hér eru myndir frá Íslendingaskólanum og af Uglu og Agli vinum Sigurrósar. Ugla er að sparka í boltann. Veðrið var mjög notalegt og greinlega farið að vora!

Notalegt með Öddu vinkonu

2008-04-07T04:11:00.000-07:00

Adda og Gideon búa í stóru húsi í Rotterdam. Sigurrós er hér að undirbúa morgunmat með Öddu, kreista ferskan appelsínusafa og búa til crossant með skinku og osti til að setja í ofninn mmm. Svo er nú ein mynd af henni að horfa á barnatímann með kæfubrauð að gæða sér á í notalegheitunum. Adda og Sigurrós eru að spila eitthvað spil sem ég man ekki alveg hvað heitir, kannski bakkamon? en aðallega fannst nú Sigurrós skemmtilegt að leika sér með taflmennina. Svo er nú en mynd af litlum leikvell þar sem þær stöllur eru eitthvað að spreyta sig við að halda jafnvæginu.

Heimsókn í stúdíóið hans Gideons

2008-04-07T03:30:00.001-07:00

Stúdíóið hans Gideons er nú doldið flott. Allt er gert úr endurunnum efnivið.

Þessi bíldekk eru til dæmis geislaspilari, útvarp og hátalarar en líka sófi. Sigurrós fékk að prófa trommurnar með hljómsveitinni á meðan við hin fylgdumst með úr gömlu bílsætunum í áhorfendastúkunni. Svo var nú ágætt að fá far heim á bögglaberanum hjá Gideoni.

Helgarferð til Rotterdam

2008-04-07T02:46:00.000-07:00

Hér erum við í gönguferð með Öddu og Sabrine vinkonu hennar, í Rotterdam. Við fengum okkur að borða í moskueldhúsi og kíktum á leikvöll ásamt því að skoða hús og báta og sýki og kaótískan byggingarstíl. Það var nú gott að komast inn í stúdíóið hans Gideons því það var bæði kalt og rakt á þessum annars fína degi.

Álfar á karnivalinu í leikskólanum

2008-04-03T14:29:00.001-07:00

Blómagönguferð

2008-03-29T13:40:00.000-07:00

Páskar

2008-03-25T12:07:00.000-07:00

Við áttum aldeilis notalega páskahelgi. Á fimmtudag skelltum við okkur til Öddu og Gideons til Rotterdam og gistum þar í tvær nætur í góðu yfirlæti. Þegar við komum heim á laugardeginum beið pakki eftir Sigurrós frá afa Sigga. Í honum kenndi nú ýmissa grasa; þar voru þykkir sokkar, grænar gammosíur, tyggjó, sælgæti, ljósmynd af Rebekku og Láru í búningum, popppoki og síðast en ekki síst; páskaegg! Sigurrós var alveg ljómandi ánægð með þetta. Á sunnudeginum vaknaði hún svo eldsnemma til að leita að páskaeggjunum og hámaði þau í sig ásamt öllu sælgætinu, þangað til hún fékk svo illt í magann að hún varð að leggja sig:) Við fórum í göngutúr til að hressa okkur við í svölu páskaveðrinu ( hefur ekki verið svona kalt hér í hálfa öld) og vorum svo heppin að ganga inn á útileikrit á torgi hérna nálægt. Þar börðust riddarar á hrossum og léku listir. Á mánudeginum fórum við aftur upp í lest og sigldum fram hjá vindmyllum og andapollum til Den Hag þar sem íslenskt par; Björg og Helgi og börnin þeirra tvö; Ugla og Egill, tóku á móti okkar. Þar borðuðum við dýrindis páskasteik; lambakjöt og brúnaðar með meiru og áttum notalegasta kvöld. Hér er mynd af svolítið veðruðum páskaliljum.

Vorið er að koma- skrúðganga

2008-03-15T14:13:00.001-07:00

Krakkarnir í leikskólanum ásamt foreldrum og kennurum að fagna vorkomunni.

Sigurrós og Kókó í Íslendingaskólanum

2008-03-09T05:41:00.000-07:00

Annað hvern sunnudag fer Sigurrós í Íslendingaskólann hér í Utrecht ásamt öðrum íslenskum krökkum sem búa í Hollandi: Hag, Amsterdam, Rotterdam... Þar læra krakkarnir að reikna, syngja saman íslensk lög og fara í leiki. Svo er auðvitað gaman að tala íslensku saman og borða góðar samlokur og kökur. Vinkona hans Sindra frænda er einn af kennurunum hennar Sigurrósar. Hér eru myndir af Sigurrós og Kókó (hann er í rólunni við hliðina á Sigurrós á neðri myndinni) að róla eftir skólann.

Leiðangur í varðturn-vatnsturn

2008-03-01T14:37:00.000-08:00

Í dag ákváðum við að skoða varðturninn sem er hér við enda götunnar á meðan leigusalarnir okkar voru að setja upp viftu og laga leka í íbúðinni okkar. Varðturninn reyndist víst vera vatnsturn þar sem vatn borgarbúa er hreinsað. Við komumst að því að vatnið í vestur Hollandi er 75% hreinsað yfirborðsvatn sem kemur að mestu úr hinni "kristaltæru" á: Rín... Við vorum líka minnt á að nútímaþægindin sem eru okkur sjálfsögð í dag eru ekki alveg gefin því um miðja 19.öld var gert átak í að fjölga klósettum hér í Utrecht, þar sem sums staðar voru 3 klósett fyrir hverjar 26 fjölskyldur. Á þessum tíma var jafnvel æskilegra að drekka bjór en vatn þar sem vatnið til brugggerðar var soðið í langan tíma áður en það var notað. Og að hugsa sér að sumir hafi þurft drekka vatnið úr síkjunum... Auk þess að fræðast um vatnshagi hér í Hollandi skoðuðum við mismunandi leiðslur, gamlar vatnsdælur og fagurlega skreytt baðker, gengum svo hátt upp í turninn þar sem var ágætis útsýni yfir þetta flatlendi hér.

Nokkrar myndir úr hversdagslífinu

2008-02-29T12:04:00.000-08:00

Héðan frá Utrecht er allt gott að frétta. Síðastliðinn föstudag var carnival í leikskólanum hjá Sigurrós.
Krakkarnir bjuggu til

hristur til að slá taktinn með og allir voru í búningum. Sumir voru álfar, aðrir dvergar eða blóm og allir krakkar fengu pönnukökur. Það var mjög gaman og Sigurrós var afskaplega ánægð með fína bleika álfabúninginn sinn. Nú hefur hún verið í vetrarfríi í viku og þá hafa hún og pabbi hennar verið dugleg að hjóla um og leika í garði þar sem eru bæði leiktæki og margs konar dýr til að skoða. Mamma lærir bara daginn út og inn og hefur ekki séð mikið meira af Utrecht en það sem snýr að götunni sem hún gengur í skólann eftir, enda ekki óhætt að fara neinar krókaleiðir ef hún á að rata heim:)

Búin að missa fyrstu tönnina!

2008-02-10T14:58:00.001-08:00

Á leiðinni heim úr leikskólanum

2008-02-10T14:44:00.001-08:00

Leikskólinn hennar Sigurrósar

2008-02-10T14:40:00.001-08:00

Utrecht í Hollandi

2008-02-10T12:48:00.000-08:00

Jæja þá erum við komin til Utrecht í Hollandi. Eftir langt ferðalag með
millilendingu í London í 10 tíma lentum við í Amsterdam og tókum lest til Rotterdam þar sem Adda vinkona og Gideon tóku á móti okkur með kvöldverði og uppábúnum rúmum. Daginn eftir fórum við svo með lest til Utrecht og fundum litla sæta húsið okkar á Gruttersdijk 6 þar sem var verið að enda við að leggja hitaveituna í húsið. Við losuðum okkur við þungar töskur og gengum um bæinn á meðan verið var að klára. Fyrir framan húsið okkar er lítið sýki en þau liggja þvers og kruss um allt. Við enda götunnar er síðan myndarleg mylla en í henni er nú slátrarinn og skammt frá lífræn dásamleg verslun. Hér ferðast flestir á hjólum og Sigurrós og Örvar voru ekki lengi að finna sér ódýrt notað hjól og lás og sæti fyrir Sigurrós. Það gekk nú allt saman mjög vel en ekki lengi.. því lásinn datt ofan í sýkið og hjólinu var stolið! Svo nú eigum við ekkert hjól. En það er stutt í miðbæinn og skólann hennar Þóru og leikskólann hennar Sigurrósar. Örvar er strax farin að leggja stund á hollenskuna en Þóra og Sigurrós kunna að segja Ja og Nei og kannski eitthvað smávegis meira. Við fyrstu sýn eru Hollendingar beinir í baki og mjög hávaxnir, viðkunnanlegir og hjálpfúsir við villta útlendinga...Rúdolf Steiner leikskólinn hennar Sigurrósar er notalegur, þar eru margir krakkar og nóg um að vera. Vatnið bragðast vel, það er sól og stillt veður og það er hlýtt í litla húsinu okkar með nýju hitaveitunni. Svo okkur líst bara vel á þetta:) Knús til ykkar allra.

Jólasnjór

2008-01-08T08:27:00.000-08:00

Jólamyndir

2008-01-08T07:38:00.000-08:00

Þá fer að styttast í heimför

2007-12-12T12:17:00.000-08:00

"Þú ert nú bara orðin svolítið dugleg að tala ensku" sagði mamma við Sigurrós eftir að hafa hlustað á hana spjalla við krakka og fullorðna í allan dag. " I know" sagði sú stutta.
Það eru bara nokkrir dagar þangað til við förum heim til Íslands. Það verður gott að hitta fjölskyldu og vini en mikið eigum við eftir að sakna Edinborgar!

Amma Helga og afi Kalli í heimsókn

2007-12-03T13:16:00.000-08:00

Amma Helga og afi Kalli héldu

heim í gær eftir vikudvöl hér í Edinborg. Pabbi útskrifaðist á þriðjudaginn með viðhöfn (hann var í skikkju eins og Harry Potter og var lamin á hausinn með "miðaldageimhatti"). Við gengum
um bæinn, skoðuðum í verslanir, fórum út að borða og höfðum það voða notalegt saman. Sigurrós hlustaði á morgunsögur hjá ömmu frá Akureyri og Reyðarfirði og spilaði mikið með afa sinn... Takk fyrir heimsóknina og sjáumst sem fyrst aftur!
Hér koma nokkrar myndir sem náðist að smella af áður en myndavélin eyðilagðist.

Sigurrós og pabbi að baka piparkökur

2007-11-23T14:08:00.000-08:00

Gjöriði svo vel!

2007-11-21T09:38:00.001-08:00

Sigurrós og mamma nýbúnar að baka pönnukökur með súkkulaði. Má bjóða ykkur?

Sigurrós í fyrsta skipti á skautum

2007-11-19T03:17:00.000-08:00

Við ákváðum að skella okkur á skauta í gær og æfa okkur svolítið áður en stóra skautasvellið verður sett upp í Princesgarden. Við vorum nú öll frekar stirð til að byrja með en þetta var fljótt að koma og Sigurrós var dugleg að læra. Þetta var rosa gaman og við stefnum á að fara aftur næstu helgi!

Lítill sætur jólaengill

2007-11-17T08:32:00.000-08:00

Sigurrós, Sóley og Kókó á leið á kaffihús

2007-11-17T08:20:00.000-08:00

Við fórum á kaffihús áðan, "fimm manna"fjölskyldan, Sigurrós klæddi Sóley og Kókó vel því það er kalt úti. Sigurrós segir að þeim finnist skemmtilegt að fá að leika með henni.

Við sjóinn

2007-11-10T14:08:00.000-08:00

Við gerðum okkur ferð að sjávarsíðunni í dag í fyrsta skipti. Tókum strætó og gengum svo svolítinn spöl í úthverfi nálægt því sem er kallað Silverknowers. Húsin voru mörg hver frekar dapurleg og ja...fólkið eiginlega líka. Þetta var eins og að koma í aðra borg. Þegar við komum loks að sjónum var hann farin að úfna aðeins en útsýnið var skemmtilegt þrátt fyrir vetrargrámann sem hékk yfir. Meðfram sjávarsíðunni var líka mjög gott að renna sér á hlaupahjóli og Sigurrós þeyttist á undan foreldrum sínum en fór reyndar heldur hratt sem endaði með kollhnís og það kom gat á nýju gammosíurnar sem afi Siggi var nýbúin að gefa henni. En svona gerist nú hjá öllum krökkum sem eru að æfa sig að hjóla, ekki satt.

Amma Ninna fimmtug

2007-11-08T03:09:00.001-08:00

Amma Ninna varð fimmtug 2.nóvember. Við fórum út að borða á Fjalakettinum með systkinum mömmu og mökum þeirra, ömmu og afa og Möggu vinkonu. Stóru börnin voru auðvitað með ýmis atriði eins og vanalega, enda búin að æfa sig lengi í leikritagerð. Þetta var nú allt saman alveg dandalafínt (eins og föðursystir mín myndi segja) og gaman að koma saman. Sigurrós var í pössun hjá afa Sigga og ömmu Ernu sem sagði henni margar sögur áður en hún fór að sofa. Amma Ninna hélt svo kökuveislu sérstaklega ætlaða fyrir litlu skvísurnar á laugardeginum í sveitinni. Svo fóru allir að skera kjöt enda nýbúið að slátra á bænum. Á sunnudeginum keyrði amma Ninna okkur út á flugvöll og við lentum í Edinborg um kvöldmatarleytið.

Frænkur með leikrit

2007-11-05T11:10:00.001-08:00

Þær brölluðu nú margt þessar þrjár á meðan við vorum á Íslandi. Þarna eru þær með leikrit heima hjá ömmu Ninnu. Lára er prinsessan og Sigurrós og Rebekka eru mamman og pabbinn, svo voru líka kisa og mús. Þetta var mjög flott og mikið klappað en bara Rebekka mundi eftir að hneigja sig.

Smá snjór í Borgarfirðinum

2007-11-05T11:01:00.000-08:00

Það var nú ljúft að koma í Borgarfjörðinn og ekki verra að hafa hvítan snjóinn svo stirndi á. Fjórar rjúpur voru á vappi um að leita sér að einhverju ætilegu. Þarna eru þær upp í tré. Sigurrós fór á þotuna sína og renndi sér nokkrar salívbunur niður brekku. Amma Erna bakaði auðvitað lummur og allir fengu sunnudagskaffi hjá henni.

Frostrósir

2007-10-24T13:31:00.001-07:00

Við förum heim til Íslands í fyrramálið. Amma Ninna er að verða fimmtug. Það er spurning hvort rósirnar séu enn útsprungnar á Íslandi.....kannski frostrósirnar?

Frænkur í jólabúðaleiðangri

2007-10-17T04:26:00.000-07:00

Sólveig og Alma komu færandi hendi frá Glasgow í gær og gáfu Sigurrós meðal annars þetta fína bleika vesti. Við fórum á röltið og gengum gamla bæinn, milli jólabúða.

Gaman að fá pakka!

2007-10-11T13:13:00.000-07:00

Haldiði að pósturinn hafi ekki bara komið með pakka til Sigurrósar eldsnemma í morgun. Takk amma Ninna fyrir fallegu fötin á Sóleyju (og fyrir allan lakkrísinn sem foreldrarnir eru að háma í sig núna:)

Kisuþema

2007-10-07T14:42:00.001-07:00

Sigurrós á leið í afmælisveislu til vinkonu sinnar hennar Rowan.

Gönguferð í góðu veðri

2007-10-07T08:22:00.000-07:00

Jóhann Axel vinur okkar er í heimsókn hjá okkur um helgina. Við fórum í gönguferð á laugardaginn í besta veðri. Bændamarkaðurinn, Princes Garden, gröf David Hume og Calton hæðin voru helstu áningastaðirnir.

Haust í Edinborg

2007-09-30T14:05:00.000-07:00

Það er farið að hausta í Edinborg, orðið svolítið svalt en samt sólríkt. Við fjölskyldan skelltum okkur í göngutúr og þessi mynd var tekin af Arthurs seat. Göngutúrinn endaði í The common wealth pool þar sem Sigurrós fékk að fara í leikkastala. Þar hitti hún strák til að leika við sem var nú mjög gaman nema hvað foreldrum hennar fannst hún vera heldur ráðrík við hann;"HEY BOY COME HERE PLEASE". Annars er allt gott að frétta. Sigurrós byrjaði í danstímum á föstudaginn og svo fóru Sigurrós og mamma saman í svona mæðgnadans á laugardagsmorguninn. Á mánudögum kemur svo Celia vinkona með Sigurrós heim úr Rudolf Steiner skólanum og mamma passar hana og Miröndu systur hennar og kettlingana þeirra tvo í smá stund heima hjá þeim. Það gengur vel í leikskólanum og nú er það orðið þannig að Sigurrós er treg að fara heim þegar hún er sótt, enskan gengur miklu betur og hún er farin að tjá sig í setningum, þó hún sé ekki enn farin að beygja persónufornöfnin (me do this, me go..., me come...). Bestu kveðjur frá Edinborg!

Happy eating everyone...

2007-09-22T06:42:00.000-07:00

Við fórum á bændamarkaðinn í dag, og fengum okkur grænmeti, kjöt og ber. Sigurrós hélt svo teboð fyrir börnin og foreldra sína þegar heim var komið. Það er nú aldeilis almennilegt að vera komin í sérherbergi.

Jæja Örvar skilaði ma-ritgerðinni sinni í dag. Skál fyrir því!

2007-09-12T12:34:00.001-07:00

Sigurrós og vinur okkar hann Graham frá Suður-Afríku

2007-09-09T12:05:00.000-07:00

Þá fer nú að þynnast í hópnum...Við kvöddum Graham vin okkar í dag þar sem hann er á leið til Jóhannesarborgar í Suður-Afríku þar sem hann á heima. We hope to see you soon Graham!

Alltaf eitthvað að bralla...

2007-09-08T07:43:00.000-07:00

Sigurrós hefur verið að vefa á leikskólanum upp á síðkastið, núna langar hana svo að læra að sauma og prjóna og alls konar. Í gær fann hún sér svo garn og gamla javanál og saumaði þennan kjól handa Sóley...

"oh mamma, ég vildi óska, ÓSKA að Harry Potter væri stóri bróðir minn!"

2007-09-08T07:39:00.000-07:00

Dugleg að hjálpa til

2007-09-02T03:35:00.000-07:00

Hún á afmæli í dag!

2007-08-31T03:25:00.001-07:00

Aftur í leikskólann

2007-08-30T09:01:00.001-07:00

Í dag fóru Sigurrós og mamma með inniskóna hennar Sigurrósar, stígvélin og aukaföt á leikskólann. Við hittum Margot leikskólakennarann, alla krakkana og foreldra þeirra. Einn nýr strákur hefur bæst í hópinn sem heitir Felix. Á morgun byrjar svo leikskólinn af alvöru.

Japönsk eldamennska

2007-08-30T08:59:00.000-07:00

Við fengum japanskan kokk í heimsókn í gærkvöldi (vinur hans pabba) sem eldaði handa okkur þessa líka ljúffengu máltíð. Hér er mynd af pabba og Yoitsi og forréttinum; suchi (californiurúllur með laxi og avocado, og túnfiski og avocado), svínakjöti og eggjum sem búið var að sjóða í 7 klukkutíma í sérstökum legi og kálgrænmeti. Í aðalrétt var núðlusúpa með sætri andabringu og blaðlauk mmmmmmm

Hugrún barnapían mín

2007-08-30T08:58:00.000-07:00

Á röltinu um bæinn; síðasti dagur festivalsins

2007-08-27T15:05:00.000-07:00

Við skelltum okkur í góðan göngutúr á sunnudaginn með Siggu Völu. Fyrst fengum við þó að kíkja á sætu kisu. Hún á næstum því jafn mikið af dóti og Sigurrós svo þar var nú ýmislegt hægt að leika með! Í bænum var allt yfirfullt af ferðamönnum og götulistamaður í hverju horni, enda síðasti dagur Edinborgarfestivalsins. Við tókum strætó á Picasso listasýningu, fengum okkur köku á kaffihúsinu þar (sem var nú held ég hápunkturinn hjá þeirri minnstu) og settumst/lékum okkur svo í garðinum . Hér eru nokkrar myndir...

"Stelpur eru ódrepanlegar í stríðsleikjum"

2007-08-26T02:57:00.000-07:00

Sigurrós fór í afmæli til 'bróðurfrænda' síns hans Arnþórs í gær. Hann og Snæbjörn eru fluttir til Edinborgar með mömmu sinni. Það var nú aldeilis fjör, alls konar sverð og teygjubyssur og hasar. Frændi hennar hann Snæbjörn átti þessa ágætu setningu.

Tívolí

2007-08-24T12:46:00.000-07:00

Í ágúst er haldið hið árlega
Edinborgarfestival. Þá fylllist borgin af fólki sem tekur þátt í alls konar skemmtunum. Það eru yfir 2000 skipulagðir viðburðir á dagskránni svo það er um nóg að velja, svo mikið er af auglýsingaspjöldum og dreifibréfum að fólk verður nú bara ruglað í ríminu. Við fjölskyldan höfum nú ekki tekið mikinn þátt í þessum hátíðarhöldum en heyrum bara í mannlífinu og fjörinu inn um gluggana hjá okkur:) Sigurrós og mamma fóru samt í tívolí saman í dag sem var mjög skemmtilegt.

Mmmm ljúffeng kaka

2007-08-21T13:18:00.001-07:00

My dear friend Tamarí

2007-08-18T13:38:00.000-07:00

Have a good trip to Israel Tamarí. Hope to see you soon! Here is a picture of Tamarí as a lady bug (her mother Michal made the nice costume).

Mörgæsirnar í Edinborgar dýragarðinum

2007-08-17T12:41:00.000-07:00

Hjördís frænka í heimsókn

2007-08-17T05:25:00.001-07:00

Hjördís frænka er búin að vera í heimsókn hjá okkur síðust vikuna. Við erum nú aldeilis búnar að hafa það notalegt saman! Skoðuðum garðinn og fórum í göngutúra um hverfið okkar, gerðum tvær tilraunir til að fara í dýragarðinn, í fyrri tilrauninni fórum við í öfuga átt og enduðum upp í sveit (mamma mín er svo góð að rata!) en svo heppnaðist það í seinna skiptið:) Hjördís var mjög hrifin af "notuðu búðunum" sem eru allt í kring um okkur og gerði þar góð kaup. Við sýndum henni aðal staðina; moskuna, Susi's diner, Digger, kaffihúsið sem mamma hangir á þegar hún er að þýða, Meadowsgarðinn, Human be-in, Urban Angel, Princes street og svo skellti Hjördís sér í söguleiðangra í kastalann, camera obscura og á Grassmarket eins og sönnum ferðamanni sæmir! Takk fyrir samveruna Hjödda og komdu fljótt í heimsókn aftur! Knús til Kristjáns, Rebekku og Láru.

Þriðjudagurinn: Heim til Edinborgar

2007-08-15T15:39:00.001-07:00

Snemma síðasta þriðjudag héldum við fjölskyldan aftur heim til okkar til Edinborgar, þreytt (Sigurrós svaf í 16 klukkutíma næstu nótt á eftir) og ánægð með ferðalagið til Póllands.

Mánudagurinn (síðasti): Strandabærinn Jurata

2007-08-13T13:41:00.000-07:00

Á mánudeginum var farið í rútu í bæinn Jurata sem er á litla fingrinum sem stendur út úr norður Póllandi. Þar gistum við í eina nótt á hótel Morskie Oko ásamt vinum og ættingjum brúðhjónanna. Við skelltum okkur á ströndina og áttum notalegan dag saman með Andreu frænku.

.....og veislan sem stóð yfir í tvo daga!

2007-08-10T15:58:00.000-07:00

Brúðkaup Berglindar og Mareks

2007-08-10T15:12:00.000-07:00

Laugardagur: Brúðarmeyjar og prinsessur tilbúnar

2007-08-10T13:17:00.001-07:00

Föstudagur: Wehjerowa og grillveisla

2007-08-10T12:29:00.000-07:00

Á föstudeginum fór fjölskyldan saman í gönguferð heim til foreldra Mareks. Við sáum bæði peru og hindberjatré í garðinum mmmm Síðan var gengið gegnum skemmtilega smágarða að miðbæ Wehjerowa. Það var verið var að slá einn garðinn með sláttuvél búna til úr þvottavélamótor sem vakti nokkra athygli okkar ferðamannanna. Sigurrós og Jóhanna voru duglegar að ganga og kepptust við að ná afa Kalla. Eftir rólegan og notalegan dag í bænum var skutlast upp á hótel og skipt um föt. Svo var haldið aftur af stað til tengdaforeldranna í glæsilega grillveislu. sem stóð fram á nótt.

Fimmtudagur: GDANSK Póllandi

2007-08-08T03:56:00.000-07:00

Fimmtudaginn 2.ágúst fóru Sigurrós, mamma og pabbi með lestinni frá Edinborg Waverly til Glasgow og þaðan til Prestwick flugvallarins. Eftir að hafa ruðst áfram um borð í flugvél ungverska flugfélagsins Wizzair var haldið af stað til Gdansk í Póllandi. Þar biðu eftir okkur tilvonandi brúðhjón; Berglind og Marek með "velkomin skilti" og sólskinsbros í hitanum. Frá flugvellinum fórum við svo í miðbæ Gdansk ásamt fleiri gestum og hittum þar ömmu Helgu og afa Kalla, Andreu frænku, Eydísi og Jóhönnu. Við röltum um bæinn í góða veðrinu, miðbærinn var afar rólegur og takturinn svolítið kannski eins og í gamla daga? Þar var ýmislegt að sjá; básar með varning til sölu, karl á stultum, candy flos, falleg kirkja með stórfenglegu pípuorgeli, uppblásin rennibraut, hoppikastali, ýmsir skartgripir úr Ambersteinum, skinn, spádómspáfagaukar og snoppufríðar heimasætur. Um kvöldið fengum við okkur kvöldmat á ágætis veitingastað og hittum svo restina af fjölskyldunni; Arnar, Helgu og Ástu Hlín og Hrafnhildi, Alexöndru og Amöndu Eir sem komu með flugi frá Kaupmannahöfn ásamt fleiri ættingjum og vinum Berglindar og Mareks. Það dugði ekkert nema heila rútu undir allt þetta fólk og haldið var af stað á hótel í bænum Wehjerowa þar sem fjölskyldan hans Marek býr.

Allir ferðbúnir!

2007-08-07T12:34:00.000-07:00

Amma Ninna prjónaði þessi fínu föt handa Sóleyju og Kókó. Þá voru allir ferðbúnir, fyrst fyrir Edinborg og svo PÓLLAND daginn eftir.

Sigurrós og Rebekka í góða veðrinu á Íslandi

2007-08-07T12:23:00.001-07:00

Leikrit

2007-07-16T06:12:00.001-07:00

Gaman í garðinum

2007-07-15T06:59:00.001-07:00

"Á ég að setja rassinn ofan í?......"

2007-07-14T12:38:00.000-07:00

Já svona er nú vatnið á litin í Skotlandi...

Nýja hlaupahjólið mitt

2007-07-12T13:29:00.000-07:00

Sumarfrí

2007-07-08T15:06:00.000-07:00

Það er nóg að gera á West-Nicolson Street þessa dagana. Pabbi keppist við að skrifa masterpísið og mamma situr við þýðingar. Sigurrós nýtur samt frísins vel og fékk bleikan jarðarberjaís á þessum sólríka sunnudegi.
Bestu kveðjur á sumarhátíð á Hellum, ég vona að lambalæri og fótbolti hafi gengið að óskum!

Sigurrós og Tamarí

2007-07-05T07:30:00.000-07:00

Í dag fóru Sigurrós og pabbi á leikskólann að hjálpa til fyrir sumarfríið. Pabbi lakkaði borð á meðan Sigurrós lék við Tamarí. Eftir hádegið fékk Sigurrós að fara í heimsókn til Tamarí. Hér eru myndir af þeim síðan í vetur á leikvellinum.

Sumarhátíð á leikskólanum

2007-07-03T08:59:00.000-07:00

Margo leikskólakennarinn hennar Sigurrósar, leiðir börnin í hring á efstu myndinni. Margo leiðir Rowan og svo kemur Tamarí, þá Edith, Sigurrós, (röðin heldur áfram á næstu mynd) Kalu, Celia, Philemon, Leo, Rosanna, Emma, Kira og svo sést rétt aðeins í hárið á honum Ciar. Þá eru upptalin öll "börnin hennar Margoar". Celia og Kira fara í 1. bekk á næsta ári og Tamarí fer aftur til Ísrael, en það verður gaman að hitta hina krakkana í haust þegar leikskólinn byrjar aftur. Gleðilegt sumarfrí!

man einhver eftir þessari stelpurófu?

2007-07-02T13:14:00.001-07:00

Var að blaða í gömlum myndum og stóðst ekki mátið.....(Þóra)

Ferðalag til Auchentroig, Loch Lomond og Trossachsþjóðgarðsins.

2007-06-26T12:05:00.000-07:00

Á miðvikudaginn síðasta fórum við í smá ferðalag með Kristínu, Öyvind og Hjördísi Ylfu í sumarhús norðaustur af Sterling. Við stoppuðum á leiðinni á jarðarberjabúgarði (mmmmm) þar sem hægt var að stökkva á risastóru trampolíni og fara í leiki. Þegar við komum í fína húsið sem við gistum í fengum við okkur nesti sem við tókum með okkur og könnuðum svo svæðið í kring. Við sáum margar skrítnar kindur og lítinn hund sem kallast biscuit (kexkaka). Það var mikið af mýflugum í góða veðrinu sem bitu okkur, aðallega Kristínu og litlu Hjördísi Ylfu sem fannst það nú ekki notalegt. Um kvöldið elduðu Kristín og mamma smáhjartarsteik með eplachuthney sem bragðaðist afar vel, Sigurrós og Hjördísi Ylfa fóru saman í bað og Öyvind kveikti upp í arninum. Það var nú aldeilis notalegt kvöld. Daginn eftir lékum við okkur í frisbí og fótbolta í sólskininu í garðinum og héldum svo af stað að skoða þjóðgarðinn. Við fundum svanga íkorna sem við gáfum svolítið kex, skemmtilegan leikvöll, tré til að klifra í og Sigurrós, Hjördís Ylfa og Kristín hlupu niður ótrúlega langa brekku, næstum niður að Loch Lomond (fljótinu).
Á leiðinni til baka lentum við í smá ævintýri.....það hvellsprakk á báðum dekkjunum vinstra megin á bílaleigubílnum og við þurftum að bíða eftir stórum trukk til að ná í okkur og bílinn og keyra okkur í bæ þar sem ný dekk voru sett undir bílinn. Þetta tók langan tíma og þrátt fyrir mikla þolinmæði voru Sigurrós og Hjördís Ylfa orðnar svangar og leiðar á að sitja í bílnum. Við vorum komin til Edinborgar um miðnætti, fegin og lúin eftir gott ferðalag.

Góðan dag

2007-06-26T03:57:00.000-07:00

Hjördís Ylfa, Kristín og Öyvind í heimsókn

2007-06-25T06:54:00.001-07:00

Fína flautan mín

2007-06-24T13:49:00.000-07:00

Elsku Habbý og Manni og Alexandra og Andrea og Amanda Eir og amma Helga og afi Kalli, takk fyrir sendingarnar! Hér er mynd af mér í nýja kjólnum með fína spýtu sem ég nota fyrir flautu.